Velkomin á heimasíðu SLAA á Íslandi. Við tölum ekki fyrir hönd SLAA í heild sinni, opinber vefsíða SLAA samtakanna á veraldarvísu er http://www.slaafws.org

Við erum sjálfstæð nema í málefnum sem snerta samtökin í heild eða aðrar deildir, þessi síða er í umsjón samstarfsnefndar slaa og hægt er að hafa samband á tölvupóstfanginu This e-mail address is being protected from spambots. You need JavaScript enabled to view it með persónulegar fyrirspurnir.

Tilkynningar:

Ath. Breyttur fundartími á skype blönduðum fundum á miðvikudögum - nú kl. 20.(sett inn júní 2010)

Ath. Breyttur fundartími á skype kvennafundum á þriðjudögum - nú kl. 21.(sett inn júní 2010)

Ath. - ert þú SLAA félagi í bata? Deildu reynslunni og sendu inn reynslusögu þína til This e-mail address is being protected from spambots. You need JavaScript enabled to view it !

Þrír skype-fundir hafa nú verið stofnaðir, upplýsingar undir "Fundir"! (sett inn desember 2009)

Um okkur:

SLAA (Sex and Love Addicts Anonymous) er félagsskapur karla og kvenna, sem hjálpa hvert öðru til að vera allsgáð. Samtökin bjóða öllum þeim aðstoð, sem haldnir eru ástar- og/eða kynlífsfíkn og vilja losna úr viðjum hennar. Þar sem allir meðlimirnir þekkja fíknina af eigin raun, skilja þeir hver annan og sjúkdóminn betur en flestir aðrir. Þeir vita hvernig líðan sjúkdómurinn veldur og hafa lært í SLAA hvernig sigrast má á honum.

SLAA er félagsskapur byggður á grunni tólf reynsluspora og tólf erfðavenja AA-samtakanna.
Eina skilyrðið fyrir þátttöku í SLAA er löngun til að losna undan áþján ástar- og kynlífsfíknar. Hver deild er rekin með frjálsum framlögum meðlima og er opin öllum sem eru hjálparþurfi.

HVAÐ ER ÁSTAR- OG KYNLÍFSFÍKN?

Við í SLAA teljum ástar- og kynlífsfíkn vera ólæknandi og stigversnandi sjúkdóm, sem þó megi halda niðri – eins og ýmsum öðrum ólæknandi sjúkdómum. Þessi sjúkdómur getur birst í margvíslegum myndum, meðal annars sem:

* áráttukennd þörf fyrir kynlíf
* algert ófrelsi gagnvart annarri (eða öðrum) manneskju(m)
* stöðugir dagdraumar eða umhugsun um ástarsambönd og kynlíf
* einangrandi atferli eins og sjálfsfróun, gægjur og sýnikynlíf
* óhamið lauslæti, kaup á vændisþjónustu, nafnlaus skyndikynni, símakynlíf, niðurhal kláms o.fl.
* kynferðislegar sjálfsmeiðingar eða misnotkun á öðrum
* kynferðislegt lystarstol.

Tilfinningaleg/kynferðisleg áráttuhegðun er til staðar, þegar ástarsambönd eða kynhegðun skaða í æ meira mæli starf, fjölskyldu og sjálfsvirðingu viðkomandi einstaklings. Ástar- og kynlífsfíkn tekur á sig sífellt verri myndir, ef hún fær að þróast óhindrað.
Sumir ástar- og kynlífsfíklar álíta sig vera utangarðsmenn, öfugugga eða einfaldlega agalaust fólk, áður en þeir koma til SLAA. Aftur á móti telja aðrir sig aðeins vera að sækjast eftir því sem þeir eigi heimtingu á, því sem þeir eigi skilið af öðrum. Þeir eru sannfærðir um, að hömluleysið sé sjálfsagður réttur þeirra.

Það er skoðun SLAA-samtakanna, að ástar- og kynlífsfíklar séu haldnir alvarlegum sjúkdómi en geti náð bata með því að fylgja einföldum leiðbeiningum, sem leitt hafa til góðs árangurs hjá fjölmörgum körlum og konum með sama heilsubrest.

GRUNDVALLARSTEFNA SLAA

Til að sporna gegn hinum mannskemmandi afleiðingum ástar- og kynlífsfíknar beitum við fimm meginúrræðum:

1. Fráhald. Við höfnum daglega því hegðunarmynstri okkar, sem við höfum sjálf skilgreint sem vandamál.
2. Trúnaðarmennska / fundir. Við þiggjum fúslega þann stuðning, sem okkur býðst innan SLAA.
3. Reynslusporin. Við vinnum sporin tólf til að verða kynferðislega og tilfinningalega allsgáð og halda sjúkdómi okkar niðri.
4. Þjónusta. Við endurgjöldum öðrum SLAA-meðlimum það, sem samtökin hafa gefið okkur af svo miklu örlæti.
5. Andleg vakning. Við þróum vitundarsamband við mátt æðri okkur sjálfum, sem leiðir okkur áfram og styrkir í bataferlinu

SLAA-samtökin tengjast engum félagsskap öðrum, pólitískum, trúarlegum eða hugmyndafræðilegum, og taka ekki afstöðu til annarra málefna en sinna eigin.
Við erum á hinn bóginn sameinuð í vilja okkar til að takast á við kynferðislegan og tilfinningalegan fíknivanda okkar.
Öll höfum við glímt við hegðunarmynstur, sem einkennist af áráttu eða þráhyggju. Þessi sameiginlega reynsla gerir muninn á kynferði okkar og kynhneigðum að aukaatriði.